သက်တမ်း (၁)နှစ်အောက် ကျန်ရှိသည့် သာမန်နိုင်ငံကူးလက်မှတ် ကိုင်ဆောင်ထားသည့် အင်ဒိုနီးရှား နိုင်ငံတွင် တရားဝင်ရောက်ရှိနေထိုင်ကြသော မြန်မာနိုင်ငံသားများအနေဖြင့် မြန်မာသံရုံး၊ ဂျကာတာမြို့ သို့ လူကိုယ်တိုင်လာရောက်၍သော်လည်းကောင်း၊ စိတ်ချရသော စာပို့စနစ်ဖြင့်သော်လည်းကောင်း ပေးပို့၍ နိုင်ငံကူးလက်မှတ်သက်တမ်းတိုး လျှောက်ထားနိုင်ပါသည်။ လျှောက်ထားရာတွင် ပြည့်စုံစွာ ဖြည့်စွက်ထားသော လျှောက်လွှာနှင့်အတူ အောက်ပါစာရွက်စာတမ်းများပူးတွဲ တင်ပြရပါမည်-

• ကိုယ်ရေးလျှောက်လွှာ
• ကိုယ်ရေးမှတ်တမ်း
• နောက်ခံအဖြူဓါတ်ပုံ(၃)ပုံ(၄စင်တီမီတာx၆ စင်တီမီတာ)
• နိုင်ငံကူးလက်မှတ်မူရင်း(နိုင်ငံကူးလက်မှတ်စာအုပ်ပါ ဗီဇာစာမျက်နှာများ၏ မိတ္တူတစ်စုံ)
• နိုင်ငံသားစိစစ်ရေးကတ်မိတ္တူ
• အိမ်ထောင်စုစာရင်းမိတ္တူ
• အလုပ်ရှင်ထောက်ခံစာမူရင်းနှင့် အလုပ်စာချုပ်မိတ္တူ
• အလုပ်သမားကတ်မူရင်းနှင့် မိတ္တူ
• မှီခိုသူဖြစ်ပါကမှီခိုသူဖြစ်ကြောင်းထောက်ခံစာ
• အခွန်ထမ်းဆောင်ပြီးပါက ထမ်းဆောင်ပြီးသည့် အခွန်စာရွက် မူရင်း+မိတ္တူ
• အခကြေးငွေ ရူပြား ၆၅၀,၀၀၀/- ပေးဆောင်ရပါမည်။

‌‌လျှောက်လွှာပုံစံပါ လက်မှတ်နှင့် လက်ဗွေ‌‌များသည် ထင်ရှားပြတ်သားခြင်းမရှိပါက ပြန်လည်ရေးထိုး ပေးပို့ရမည်ဖြစ်ပါသဖြင့်ထင်ရှား ပီသစွာရေးထိုးပေးပါရန်နှင့် လက်ဗွေကို မင်နက်ပြာဖြင့်သာ နှိပ်ပေးရန် ဖြစ်ပါသည်။

လျှောက်လွှာပုံစံ Download ရယူရန်