မြန်မာနိုင်ငံသားများအနေဖြင့် အခြားနိုင်ငံသားအဖြစ်ခံယူလိုသည့်အခါ မြန်မာနိုင်ငံသားအဖြစ်မှ စွန့်လွှတ်ခွင့် တင်ပြလျှောက်ထားရန် လိုအပ်ပြီး မြန်မာသံရုံးသို့ ကာယကံရှင်မှ အောက်ပါအတိုင်း ဆောင်ရွက်ရမည်ဖြစ်ပါသည်-

• မြန်မာနိုင်ငံသားအဖြစ်မှ စွန့်လွှတ်ခွင့်အား မြန်မာသံရုံးသို့ တင်ပြလျှောက်ထားရမည်၊
• အခြားနိုင်ငံသားအဖြစ် ခံယူမည်ဖြစ်ကြောင်း/ ခံယူကြောင်း သက်သေအထောက်အထား (နိုင်ငံကူး လက်မှတ်/ သက်သေခံလက်မှတ်တို့ကို တင်ပြရမည်)၊
• ဥပေဒေနှင့်အညီ ရရှိကိုင်ဆောင်ထားသည့် နိုင်ငံသားစိစစ်ရေးကတ်ပြား၊ ဧည့်နိုင်ငံသားလက်မှတ်နှင့် စိစစ်ရေးကတ်ပြား၊ နိုင်ငံသားပြုခွင့်လက်မှတ်နှင့် စိစစ်ရေးကတ်ပြားမူရင်း ပြန်လည်အပ်နှံရမည်၊
• ကာယကံရှင်အမည်ပါဝင်သော အိမ်ထောင်စုလူဦးရေစာရင်းတင်ပြရမည်၊
• မြန်မာနိုင်ငံသားအဖြစ်မှ စွန့်လွှတ်မည့်သူသည် နိုင်ငံသားစိစစ်ရေးကတ်ပြား၊ ဧည့်နိုင်ငံသားလက်မှတ်နှင့် စိစစ်ရေးကတ်ပြား၊ နိုင်ငံသားပြုခွင့်လက်မှတ်နှင့် စိစစ်ရေးကတ်ပြား ကိုင်ဆောင်ခဲ့ခြင်းမရှိပါက မြန်မာနိုင်ငံတွင် နေထိုင်ခဲ့စဉ်က ၎င်းအမည်ပါဝင်သော အိမ်ထောင်စုလူဦးရေစာရင်း တင်ပြရမည်၊ (ယင်းအိမ်ထောင်စု လူဦးရေစာရင်းတွင် အမည်ပါဝင်မှုမရှိပါက မြန်မာနိုင်ငံသားအဖြစ်မှ စွန့်လွှတ်မည့် သူသည် မြန်မာနိုင်ငံတွင် နေထိုင်ကြောင်း မှတ်ပုံတင်ဆောင်ရွက်ခဲ့ခြင်း မရှိသူဖြစ်ပါသည်။)

လျှောက်လွှာပုံစံ download ရယူရန်